هلمند کې د مالدارۍ او کرنیزو محصولاتو د پېر او پلور ټولنې له چارواکو سره ناسته وشوه
۲۷ لړم ۱۴۰۳ه.ش
۱۵ جُمَادَى الأول ۱۴۴۶ه.ق
د هلمند ولایت د کرنې، اوبولګولو لګولو او مالدارۍ ریاست د مالدارۍ او حیواني روغتیا آمر حافظ هدایت الله هدایت او اړونده کارکوونکو لخوا، په دې ولایت کې د مالدارۍ او کرنیزو محصولاتو دپېر او پلور ټولنې له چارواکو سره ناسته وشوه.
په پیل کې د مالدارۍ او حیواني روغتیا آمر حافظ هدایت الله هدایت وویل: «هلمند ولایت کې دې د حیواني محصولاتو د پېر او پلور ټول کاروباریان د کرنې ریاست کړنلارې په جدي توګه پلي کړي ترڅو هلمندوالو ته باکیفیته او موثره خدمات وړاندې کړل شي.»
ښاغلی هدایتهمدارنګه د ناسمو او ناروغو چرګانو د غوښو پلور ته په اشارې سره وویل چې، د هر هغه چا کار ته اجازه نه ورکوي چې غیر صحي محصولات په خپلو هټیو کې په وطنوالو پلوري، هغه ددغه ډول کارونو د تعقیب او نظارت یادونه وکړه او وې ویل چې په دوامداره توګه د حیواني محصولاتو د پېر او پلور مراکز څارل کېږي.
په پای کې یادو چارواکو د مالدارۍ او حیواني روغتیا آمر ته ډاډ ورکړ چې د کرنې ریاست ټولو اصولو ته ژمن دي او په دې توګه به ټولو کاروباریانو ته دغه توصیې ورسوي.
