ننګرهار کې ۳۰ مدیرانو ته د اوبو د ښه مدیریت په موخه روزنه ورکړل شوه
۱۶ لړم ۱۴۰۳ه.ش
۴ جُمَادَى الأول ۱۴۴۶ه.ق
د ننګرهار دکرنې، اوبولګولو او مالدارۍ ریاست وایي، چې ددې ولایت د ۱۷ ولسوالیو د ترویج، اوبو تنظیم او ځنګلاتو ۳۰ تنو مدیرانو ته د اوبو د ښه مدیریت په موخه روزنه ورکړل شوه.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل اوبه د ژوند لپاره یو حیاتي ماده ده او د بزګرانو څخه یې په درست ډول د استعمال غوښتنه وکړه.
ښاغلي محسن د ولسوالیو مدیرانو ته وویل: «تاسو باید په خپلو ولسوالیو کې میرابانو او بزګرانو ته د اوبو ارزښت، استعمال او نورو برخو کې روزنه او عامه پوهاوي ورکړئ.»
دکرنې وزارت د اوبو د تنظیم مسؤلینو مدیرانو ته د اوبو ارزښت، په کرونده کې د اوبو تنظیم، اوبو اړوند ساختمانونو ساتل، اقلیمي بدلونونو او وچکالۍ په برخه کې روزنه ورکړه؛ ترڅو دوی په خپلو ولسوالیو کې میرابانو او بزګرانو ته روزنه ورکړي.
