د کندهار دکرنې رییس د ریحانو صادراتو په پار له سوداګرو سره د همغږۍ غونډه دائره کړه
۱۶ لړم ۱۴۰۳ه.ش
۴ جُمَادَى الأول ۱۴۴۶ه.ق
د کندهار د کرنې، اوبو لګولو او مالدارۍ ریاست مقام کې د کندهار د کرنې، اوبو لګولو او مالدارۍ رییس الحاج مولوی فضل الباري فضلي په مشرۍ د کندهار کرنیزو محصولاتو سوداګرو سره د ریحانو صادراتو په پار غونډه دائره شوه.
ددې غونډې په ترڅ کې د کندهار ولایت د مقام استازي، د سوداګري خونې مرستیال انجنیر عبدالباقي بناء، د کرنیزو محصولاتو د صادارتو ګڼ شمېر سوداګرو او د خصوصي شرکتونو استازو ګډون درلود.
د یادې غونډۍ په پیل کې د کندهار د کرنې، اوبو لګولو او مالدارۍ رییس الحاج مولوی فضل الباري فضلي وویل:« د ا.ا.ا زموږ ګډ کور دی او تل یې هڅه کړئ، چې خپل اولس ته په هر برخه کې اسانتیاوې رامنځته کړي، کرنیزې سوداګرۍ ته پراختیا ورکړي او د افغانستان کرنیز محصولات په ښه ډول سره نورو هېواادونو ته صادر او وپیري.»
هغه زیاته کړه، چې د کرنې وزارت له لوري د هند هېواد سره د سوداګرۍ په موخه خبرې کړي او تمه شته، چې سږ کال به د پاکستان او نورو هېوادو په ګډون کندهار څخه هند ته ریحان صادر شي.
نوموړي د خپل خبرو په وروستي کې وویل، چې سږ کال به د کرنیزو صادراتو په برخه کې نورې هم اسانتیاوې رامنځته شي. هغه راغلو سوداګرو او خصوصي شرکتونو استازو د کرنیزې سوداګرۍ د لا ښه بهبود په موخه د هر ډول همکاري ډاډ ورکړ.
په همدې حال کې د سوداګرۍ خونې مرستیال انجنیر عبدالباقي بناء وویل، چې تمه لرو په راتلونکي میاشت کې چین هېواد ته د ریحانو صادرات ولرو او چین هېواد هم زړه ښه کړی، چې کندهار څخه به ورته ریحان صادرېږي. هغه وویل، چې په نورو برخو کې هم د سوداکرۍ خونې هڅه کوي، چې د کندهار کرنیز محصولات تر نورو هېوادونو پورې ورسوي.
دغه راز ددې غونډې په ترڅ کې راغلو سوداګرو او د کرنیزو محصولاتو خصوصي شرکتونو استازو د کرنې ریاست د همکاري څخه مننه وکړل او خپلې ستونزې او غوښتنې ورسره شریکې کړې.
د یادې غونډې په ترڅ کې د شته ستونزو د حل په موخه اړینې پریکړې وشوې او د کندهار د کرنې رییس یادو سوداګرو ته د هراړخیزې همکارۍ ډاډ څرګند کړ.
