د لغمان علیشنګ کې یوشمېر مالدارانو سره د اړینو توکو مرسته وشوه
۸ لړم ۱۴۰۳ه.ش
۲۶ رَبِیعُ الْثاني ۱۴۴۶ه.ق
دلغمان د کرنې، اوبولګولواومالدارۍ ریاست په هڅو او د ډاکار خیریه مؤسسې په همکارۍ د دې ولایت د علیشنګ ولسوالی ۲۷ مالدارنو ته د څارویو دغوجلو جوړولو لپاره وسایل او دحفظه الصحې توکو مرسته ووېشل شول.
یاده مرسته د علیشنګ ولسوالی دکرنیزوچارو مدیر مولوي محب الله او دیادې مؤسسې دمسؤلینو په شتون کې نوموړو مالدارنو ته ووېشل شوه. په دغه مرسته کې دغوجلې ساختمان لپاره هواکش، دمسطحې تیکه، د حفظ الصحې په برخه کې پایډین، صابون او یو لړ نور توکي شامل دي.
د یادولو وړ ده، چې د لغمان دکرنې ریاست تل هڅه کوي، چې د مالدارۍ سکتور دپراختیا او دمالدارانو د لاسنیوي لپاره د همکارو مؤسساتو مرستې راجلب او اړمنو مالدارانو ته یې ورسوي.
