جلال آباد ښار کې ۱۲ قلمه تاریخ تېرې او غیرمجاز درمل راټول شول
۸ لړم ۱۴۰۳ه.ش
۲۶ رَبِیعُ الْثاني ۱۴۴۶ه.ق
د ننګرهار د کرنې، اوبو لګولو او مالدارۍ ریاست ګډ پلاوي جلال آباد ښار کې د نباتي درملو پلورنځیو څخه بېلابېل ډوله ۱۲ قلمه تاریخ تېري او هغه درمل، چې د کرنې وزارت له لورې بند دي ونیول شول.
دکرنې ریاست ګډ پلاوي له لورې د نباتي درمل پلورنځي او ګودامونه د ماښام له لورې مهرلاک شوي وو او سهار اته بجې د درمل پلورنځیو او ګودامونو څارنه او کنټرول ترسره شو.
همدارنګه درمل پلورونکو څخه د غیر مجاز، بې کیفیته او تاریخ تېرو درملو نه پلورلو ژمنه واخیستل شوه .
دغه راز درمل پلورونکو ته د مسلکي کسانو ګمارلو، جوازونو اخېستلو، پرته له نسخې درملو نه ورکولو او د درملو استعمال، ګټو او زیانونو بزګرانو پوهولو سپارښتنې هم وشوې.
