د خوست ولایت تڼیو او ګربزو ولسوالیو عاشرینو او عاملینو فعالیتونه وڅارل شول
۷ لړم ۱۴۰۳ه.ش
۲۵ رَبِیعُ الْثاني ۱۴۴۶ه.ق
د خوست ولایت کرنې، اوبو لګولو او مالدارۍ ریاست متخصص او سلاکار بهیر ګل صابري، د زکات راټولولو آمر مولوي حفیظ الله نثار، د عشر زکات عوایدو تنظیم او محاسبې آمر قاري سید مرجان خالد او د عشر کارپوه عبدالمجید منیب په ګډون، د خوست ولایت تڼیو او ګربزو ولسوالیو عاشرینو او عاملینو لهخوا ترسره شوو فعالیتونو څخه څارنه وکړه.
په دې څارنه کې د یادو ولسوالیو عاشرینو او عاملینو ته د خپلو دندو په وخت حاضرېدو، ټولو ساحو ته د رسیدګۍ او ښې همغږۍ په اړوند سپارښتنې وشوې. همدارنګه، د دې کارمندانو د اجرااتو او کړنو په اړه څارنه وشوه.
د تڼیو او ګربزو ولسوالیو کې د ناک مؤسسې لهخوا د غنمو اصلاح شویو تخمونو او کیمیاوي سرو وېش پروسې ته هم کتنه وشوه. د ولسوالیو خلکو شکایتونو او پوښتنو ته قناعت ورکوونکي ځوابونه هم وویل شول.
