ننګرهار کې د ځنګلونو ساتنې په موخه قومي مخورو سره دهمغږۍ لومړنۍ ناسته وشوه
۶ لړم ۱۴۰۳ه.ش
۲۴ رَبِیعُ الْثاني ۱۴۴۶ه.ق
د ننګرهار د کرنې، اوبو لګولو او مالدارۍ رییس او د ځنګلونو ساتنې کمیټې مشر مولوي محمد ولي محسن او نورو مسؤلینو د دوربابا او نازیانو ولسوالیو سیمه ییزو چارواکو او قومي مشرانو سره د ځنګلونو ساتنې په موخه وکتل.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې د کرنې، اوبو لګولو او مالدارۍ وزارت د کړنلارو او ځنګلونو ساتنې طرزالعملونو د تطبیق او خلکو ته د ځنګلونو ارزښت او ساتنې په موخه ییې د مشرانو سره ناسته ترسره کړه.
د دواړو ولسوالیو قومي مخورو خپلې ستونزې، غوښتنې او وړاندیزونه د ځنګل ساتنې کمیټې مسؤلینو سره شریکي کړلې او هم یې د ځنګلو ساتلو او بیا رغولو په برخه کې د پوره همکارۍ ډاډ ورکړ.
هغوي د ځنګلونو د ساتنې لپاره د رسمي کسانو ګمارلو اوهم د خپل اقتصادي پیاوړتیا لپاره امارت او همکارو مؤسسو څخه د مالدارۍ په برخه کې همکارۍ غوښتنه وکړه.
د ننګرهار د کرنې، اوبو لګولو او مالدارۍ رییس مولوي محمد ولي محسن قومي مشرانو ته په خپله برخه کې د هر راز همکارۍ او همغږۍ ډاډ څرګند کړ.
باید وویل شي، چې څو ورځې وړاندې د کرنې وزارت په لارښوونه په ننګرهار کې د ځنګلوساتنې، ستونزو تشخیص او بیا رغولو لپاره کمیټه جوړه شوه.
