ننګرهار کې ۳۳۵ بزګرانو ته دجوارو فصل کرلو او کرنیزو وسایلو اخیستلو لپاره نغدې مرسته وشوه
۱۷ زمری ۱۴۰۳ه.ش
۳ صَفَر المُظَفَّر ۱۴۴۶ه.ق
د ننګرهار د کرنې، اوبو لګولو او مالدارۍ ریاست د احصایي او معلوماتو د تنظیم امر قاري سیلاب ذکریا د ماشومانو ساتني موسسي له لوري د کرل شویو هایبرایډ جوارو له کروندو څخه لیدنه وکړه.
د احصایي امر قاري سیلاب ذکریا وویل: «څه موده وړاندې د ماشومانو ساتني موسسي له لورې په مومندرې او لعلپورې ولسوالیو کې بزګرانو ته د جوارو تخم، کیمیاوي سرو او کرنیزو وسایلو اخیستلو په موخه نغدې پیسې ورکړي وي. چې په مومندرې ولسوالۍ کې ۱۰۰ تنو بزګرانو چې هر بزګر ته ۱۹ زره افغانۍ او په لعلپوری ولسوالۍ کې ۲۳۵ بزګرانو ته چې هر بزګر ۲۱ زره او ۳۰۰ افغانۍ ورکړل شوي وي.»
ښاغلي ذکریا وویل، چې بزګرانو ته یادې پیسي د یو جریب ځمکي لپاره د ۴ کیلو هایبرایډ د جوارو تخم ۱۰۰ کیلو یوریا، ۵۰ کیلو تورې سرې او د بزګرۍ د کڅوړې چې پکي لور، رمبې، پنجې، ښاخۍ، درمل شیندلو پمپ، درمل شیندلو حفاظتي جامي، سطل، بيلچه، تسکوره او لاسي کراچۍ د اخيستلو لپاره په دوه قسطونو کې پیسې ورکړل شوی وي.
د یادو نغدو پیسو د وېش موخه د بزګرانو لاسنیوي، خوړوخوندیتوب او په کرنه کې پر ځان بسیاکېدل دي.
