هلمند کې ٤٨ بزګرو ته د جوارو ننداریزې کروندې جوړېږي

۱۲ چنګاښ ۱۴۰۳ه‍.ش
۲۵ ذی‌الحِجّة ۱۴۴۵ه‍.ق
دهلمند ولایت د کرنې، اوبولګولو او مالدارۍ ریاست لخوا ددې ولایت مرکز لښکرګاه، نهرسراج، نادعلي او ناوې ولسوالیو ٤٨ بزګرو ته په خپلو ځمکو کې د جوارو ننداریزې کروندې جوړېږي.
د هلمند دکرنې ریاست د چارواکو په خبره ددغو ننداریزو کروندو جوړولو په پار یادو بزګرانو ته د جوارو اصلاح شوي تخم، توره او سپینه سره او دغه راز د ځمکې جوړولو او تخم کرلو په پار نغدې پیسې ووېشل شوې، ترڅو دوی یې په خپلو ځمکو کې ددې ادارې د کارمندانو د لارښؤنې مطابق په کتاري ډول وکري او ورڅخه د قناعت وړ حاصلات لاسته راوړي.
دغه مرستې د کرنې، اوبولګولو او مالدارۍ وزارت په پراختیايي لګښت چمتو شوي دي تر څو د بزګرو په کرنیز اقتصاد کې نوښت او بهبود رامنځته شي.