لښکرګاه کې د کبانو شرکتونو له چارواکو سره د همغږۍ غونډه دائره شوه
۱۶ غبرګولی ۱۴۰۳ه.ش
۲۸ ذوالقعده ۱۴۴۵ه.ق
د هلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا آمر مولوي محمد عمر ابویاسر په داسې حال کې، چې د چرګانو روزنې مدیر انجنیر محمد صابر انوري یې هم ملتیا کول د کبانو د شرکتونو له مسؤلینو سره وکتل .
د یادې لیدنې پر مهال د کبانو د شرکتونو مسؤلینو خپلې یو شمېر غوښتنې او وړاندیزونه د کرنې ریاست مسؤلینو سره شریک کړل .
همدارنګه یادو چارواکو په هلمند کې د کب روزنې د لا پیاوړتیا په برخه کې د لازمو او اړینو توکو او ګڼو نورو برخو کې د همکاریو غوښتنه وکړه.
په همدې حال کې د هلمند دکرنې ریاست د مالدارۍ او حیواني روغتیا آمر مولوي محمد عمر ابویاسر د یادو شرکتونو د رییسانو او مسؤلینو غوښتنې واورېدې او د کرنې ریاست له لوري یې د بشپړې همکارۍ ډاډ ورکړ او دوی یې وهڅول ترڅو په دې برخه کې لا زیاته پانګونه وکړي.
