فراه کې د اوبولګولو د یوې پروژې چارې پیل شوې

۱۵ غبرګولی ۱۴۰۳ه‍.ش
۲۷ ذوالقعده ۱۴۴۵ه‍.ق
د فراه د کرنې، اوبولګولو او مالدارۍ ریاست د ملګرو ملتونو پراختیایي ادارې په مالي او «او،آر،پي» مؤسسې په تخنیکي همکارۍ د فراه مرکز اړوند د ریګي محمد اکبر او ناصر آباد په کلیو کې د دوو کانالونو رغنیزې چارې پیل کړي دي.
 د فراه دکرنې، اوبولګولو او مالدارۍ ریاست چارواکي وویل، چې د فراه مرکز اړوند د ریګي محمد اکبر او ناصر آباد د کلیو رغېدونکي کانالونه درې زره او ۸۰ متره اوږدوالی لري، چې په پاخه او اساسي ډول رغول کېږي.
د فراه دکرنې ریاست د چارواکو په خبره ددې پروژې په بشپړېدو سره به زرګونه جریبه کرنیزه  ځمکه خړوبه او زرګونو ځایي خلکو ته به د کار زمینه هم برابره شي.
ددې کانال په رغنیزو چارو کې سلګونو کسانو ته د کار زمینه برابره شوي؛ چی د څو ورځو په موده کې به دکانال چارې بشپړې شي.  
په همدې حال کې د سیمې اوسیدونکو د یادو کانالونو په جوړیدو خوښي وښوده او دفراه کرنې، اوبولګولو او مالدارۍ ریاست او د پروژې له مسولینو څخه مننه وکړه د دوی ستونزو ته رسېدنه کوي.