د لوګر دکرنې رییس د افغانستان راتلونکې نسلونو مؤسسې له چارواکو سره وکتل
۶ غبرګولی ۱۴۰۳ه.ش
۱۷ ذوالقعده ۱۴۴۵ه.ق
د لوګر دکرنې، اوبولګولو او مالدارۍ رییس مولوی عبدالرؤف سعید دخپل کار په دفتر کې د افغانستان راتلونکې نسلونو مؤسسې «اف،جي،اې» چارواکو سره په کتنه کې د چارو پر همغږۍ خبرې وکړې.
ددې کتنې په ترڅ کې د افغانستان راتلونکې نسلونو مؤسسې مسوول انجنیر شفیع الله خالد د لوګر دکرنې کرنې رییس ته د یادې مؤسسې دکړنو او فعالیتونو راپور وړاندې او د راتلونکو پروژو په پلي کولو کې یې ورڅخه د همکارۍ غوښتنه وکړه.
په همدې حال کې د لوګر دکرنې، اوبولګولو او مالدارۍ رییس مولوی عبدالرؤف سعید د یادې مؤسسې چارواکو ته وویل، چې د لوګر دکرنې ریاست دکرنې او مالدارۍ په برخه کې فعالو مؤسسو سره پوره همکار دی او دوی ته هراړخیزې اسانتیاوې برابروي.
د لوګر دکرنې رییس دغه راز له خیریه بنسټونو او مؤسسو وغوښتل، چې د لوګر له بزګرانو او مالدارانو سره مرستې او همکارۍ وکړي.
