د ننګرهار بهسودو کې لسګونو مېرمنو سره د کورنیو باغچو د اړونده توکو مرسته وشوه
۱۵ وری ۱۴۰۳ه.ش
۲۴ رَمَضانُ المُبارَک ۱۴۴۵ه.ق
د ننګرهار د کرنې، اوبولګولو او مالدارۍ ریاست سره په همغږۍ د دوامداره ښېګڼې او ټولنیزو چوپړتیاوو مؤسسې په تخنیکي همکارۍ او د ملګرو ملتونو د پرمختیايي ادارې په مالي ملاتړ د بهسودو ولسوالۍ په لسمه او یوولسمه ویالو کې ۵۰ تنو مېرمنو ته د ۱۰۰ امریکايي ډالرو په ارزښت د کورنیو باغچو اړوند د کرنیز توکو کڅوړې ورکړل شوې.
د ننګرهار د کرنې، اوبولګولو او مالدارۍ ريیس مولوي عبدالستار محمد وویل هره کڅوړه کې نهه قلمه د بزګرۍ وسایل لکه لاسي کراچۍ، بېلچه، تسکوره، پنجي کش، رمبي، لور، ښاخۍ، خولۍ او اب پاش شامل دي.
د یادو کرنیزو وسایلو د وېش، موخه په کور دننه مېرمنو ته د کار زمینه برابرول، دکورنیو خوړو خوندیتوب او په ټوله کې په دې ولایت کې دکورنیو باغچو دودل دي.
