د زرغونتیا په پار هلې ځلې؛ د خوست فارمونو کې څه باندې څلور زره نیالګې کښېنول شوې

۱۹ کب ۱۴۰۲ه‍.ش
۲۸ شَعبان المُعَظّم ۱۴۴۵ه‍.ق
د خوست دکرنې، اوبولګولو او مالدارۍ ریاست له خوا ددې ولایت د زرغونتیا په پار د یاد ریاست اړوند په «بلاوټ، شمل فارم، تڼیوقوریه او مرکزي بڼ» کې څه باندې څلور زره زینتي او مېوه لرونکي نیالګې اېښودل شوي دي.
د خوست دکرنې ریاست چاراکي وایي، چې په دغو اېښودل شویو نیالګیو کې د مالټې، نارنج، لیمو، سروه او ناجو باکیفیته نیالګي شامل دي، چې ددې ولایت د زرغونتیا او مېوو حاصلاتو زیاتوالي په موخه اېښودل شوي دي.
دا په داسې حال کې ده، چې دکرنې وزارت له خوا د هېواد په کچه د ۱۴۰۳ یم کال د نیالګیو اېښودولو پسرلنۍ کمپاین پیل شوی دی، چې په ترڅ کې به یې میلیونه مېوه لرونکي او زینتي نیالګي کښېنول شي.