د هلمند ولایت ٤ ولسوالیو کې د ١٥٥ جریبه امارتي ځمکې د غصب مخه ونیول شوه
۹ کب ۱۴۰۲ه.ش
۱۷ شَعبان المُعَظّم ۱۴۴۵ه.ق
دهلمند ولایت د کرنې، اوبولګولو او مالدارۍ ریاست لخوا ددې ولایت د باغران، ناوې ، مارجې او واشېر ولسوالیو کې د نږدې ١٥٥ جریبه امارتي ځمکو د غصب مخنیوی شوی دی .
د غصب د مخنیوی په دې کمپاین کې دناوې ولسوالی د عینک فصل دښتې سیمو کې، د واشیر ولسوالی په بېلابېلو سیمو کې، د باغران ولسوالی د رښتې په سیمه کې او د مارجې ولسوالی اختر محمدبازار سیمه کې د نږدې ١٥٥ جریبه امارتي ځمکو د غصب مخه نیول شوې ده.
د یادولو وړ ده، چې تر دې وړاندې هم په یادو ولسوالیو کې د زرګونه جریبه امارتي ځمکې د غصب مخه نیول شوې ده چې عاملین یې عدلي او قضایي ادارو ته ور پېژندل شوي دي.
