دکندهاردکرنې رییس: پر امارتي ځمکو کې د خپل سرو تصرفاتو مخه ونیسئ
۲۵ سلواغه ۱۴۰۲ه.ش
۳ شَعبان المُعَظّم ۱۴۴۵ه.ق
د کندهار دکرنې، اوبولګولو او مالدارۍ رییس الحاج مولوی فضل الباري فضلي ددې ولایت دامان ولسوالی ته د سفر په ترڅ کې د مانجې، سیدآباد او شملزیو سیمو څخه د لیدنې په ترڅ کې د یادو سیمو چارواکو ته وویل، چې پر امارتي ځمکو د خپل سرو تصرفاتو مخه دې ونیسي.
ښاغلی فضلي دغه راز د یادو سیمو له اوسیدونکو او مشرانو سره په لیدنه کې دوی ته سپارښتنه وکړه، چې د دوی له خوا تصرف شوي امارتي ځمکې دې بېرته اسلامي امارت ته تسلیم کړي، چې د افغانستان اسلامي امارت پر یادو ځمکو پراختیایي پروژې پلي کوي.
د یادونې وړ ده، چې دکندهار په ولایت کې د امارتي ځمکو د بررسۍ او تصفیې په ترڅ کې تر دې دمه زرګونه جریبه ځمکه امارتي تثبیت او راګرځول شوي دي.
