دکندهار دکرنې رییس: دخپل سرو تصرفاتو مخه ونیسئ
۱۶ سلواغه ۱۴۰۲ه.ش
۲۴ رَجَب المُرَجَّب ۱۴۴۵ ه.ق
د کندهار دکرنې، اوبولګولو او مالدارۍ رییس الحاج مولوي فضل الباري فضلي د کندهار دکرنې ریاست د ولسوالیو مدیرانو ته سپارښتنه کړې، چې ددې ولایت په ټولو ولسوالیو کې دې د خپل سرو تصرفاتو مخنیوی وکړي.
د کندهار دکرنې رییس او ددې ولایت د ځمکې غصب مخنیوي او غصب شویو ځمکو د بېرته راګرځولو کمېټې مشر الحاج مولوی فضل الباري فضلي وویل، چې د کندهار ولایت ټول امارتي غصب شوي ځمکې به له غاصبینو را وګرځول شي او هیچاته به د خپل سرو تصرفاتو او ځمکې د غصب اجازه ور نکړل شي.
په همدې حال کې د کندهار ولایت د ځمکې غصب مخنیوي او غصب شویو ځمکو بېرته راګرځولو تخنیکي پلاوي وایي، چې ددې کمېټې د کار له پیل څخه تر دې دمه د کندهار په ولایت کې ۶۰ زره جریبه ځمکه له غاصبینو راګرځول شو دي او دغه لړۍ روانه ده.
