دکرنې وزارت د ځمکو چارو ریاست له لورې ترانسپورت او هوايي چلند وزارت ته د ځمکې لېږد
د کرنې، اوبولګولو او مالدارۍ وزارت د ځمکو چارو ریاست له لورې ترانسپورت او هوايي چلند وزارت ته په ٣ ولايتونو کې د بار وړونکو او مسافر وړونکو موټرو تم ځايونو، تيرپارکونو او الکترونيکي دروازو د جوړولو په موخه ټول ټال ۴۳۰ جريبه ځمکه د لېږ لپاره چمتو شوه.
د کرنې وزارت د ځمکو چارو ریاست د چارواکو په خبره د ننګرهار ولایت په سرخرود او مهمند درې وسوالیو کي ١٢٠ جريبه، لوګر ولایت مرکز ویدخ کلي کې ٢٠٠ جريبه او د پکتیا ولایت مرکز په تیره سیمه کې ١١٠ جريبه ځمکه د بار وړونکو او مسافر وړونکو موټرو تم ځايونو، تيرپارکونو او الکترونيکي دروازو د جوړولو په موخه ترانسپورت او هوايي چلند وزارت ته سپارل شوي دي.
باید وویل شي، چې موده مخکي د ترانسپورت او هوايي چلند وزارت سره په ۲۹ ولايتونو کې د مسافر وړونکو او باروړونکو ترمينلونو، تيرپارکونو او الکترونيکي دروازو د جوړولو لپاره د اراضۍ ریاست لخوا دغه وزارت ته د ځمکې د لېږد غونډه دائره شوې وه، چې د اراضۍ ریاست له لورې ټیمونه اړوندو ولايتونو ته د سروې او تثبت لپاره استول شوې وه، چې په ترڅ کې یې، په ٣ ولايتونو کې٤٣٠ جريبه ځمکه د ترانسپورت او هوايي چلند وزارت ته سپارل شوي دي.
