ننګرهار کې د ځمکې غصب او غصب شویو ځمکو بېرته راګرځولو کمېټې غونډه دائره شوه
د ننګرهار ولایت د امارتي، سلطاني، مرعي او وقفي ځمکو د غصب مخنیوی او غصب شویو ځمکو بېرته راکرځولو تخنیکي پلاوي پر مهمو موضوعاتو غونډه وکړه.
په یاده غونډه کې د ننګرهار دکرنې رییس او تخنیکي پلاوي مشر مولوي عبدالستار محمد سربېره، د عدليی رییس، د ننګرهار مستوفي، ښارجوړونې رییس، قبایلو او سرحداتو رییس، حج او قافو رییس، د ښاروالۍ مرستیال، امارتی قضایاوو امر او د کدستر مسول ګډون درلود.
په دې غونډه کې دمستوفیت څخه راغلو پنځه جلده دوسیو، بهسودولسوالی عرب کوچیانو او ښاروالۍ ترمنځ موضوع اود چمتلې ښارګوټي دغضب شویوځمکو په ګډون د غصب اړوند ګڼو نورو مهمو موضوعاتو باندې خبرې اترې وشوې.
په دې غونډه کې د غصب مخنیوي تخنیکي پلاوي پریکړه وکړه، چې د مستوفیت اړوند دوسیې دې قضایایې امارت له لارې حل شي، د بهسودو عرب کوچیانو موضوع مرکزي کمیسیون ته لېږل شوي د موضوع تر حل کېدو پورې دې کوچیان له صبر څخه کار واخلي او چمتلې ښارګوټي غصب شوي ځمکي دې له نږدې ولیدل شي او په راتلونکي غونډه کې پرې پرېکړه ووشي.
په ورته وخت کې د اداراتو او ولسي وګړو پر عرایضو بحث وشو او پر ډېرې برخو کې پرېکړه وشوه، ترڅو د عامه ملکیتونو دمنځه تللو مخنیوي وشي.
