هلمند کې د ځمکې غصب مخنیوي تخنیکي پلاوي غونډه دائره شوه
۲۷ مرغومې ۱۴۰۲ه.ش
۵ رَجَب المُرَجَّب ۱۴۴۵ ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۹۳یمه نوبتي غونډه ترسره کړه.
په یاده غونډه کې د یادې کمېټې رییس مولوی نیاز محمد وهاج تر څنګ نورو غړو هم حضور درلود.
تخنیکي پلاوي په نننۍ ناسته کې پر بېلابېلو موضوعاتو بحث او خبرې وکړې او په اړه یې لازمې کړنې ترسره کړې.
په دې غونډه کې د خانشین ولسوالی د ناقلینو پر موضوع خبرې وشوې او پرېکړه وشوه، چې ددې موضوع په اړه نورې څېړنې او پلټنې هم ووشي.
په دې غونډه کې دغه راز د برېښنا ریاست دمامورینو ښارګوټي د ١٨٨ جریبه ځمکې موضوع باندې هم خبرې اترې وشوې او پرېکړه وشوه، چې د اړوندو ادارو څخه دې معلومات راټول او د سیمې متصرفینو پېژندنې جدول دې جوړ شي.\
تخنیکي پلاوي همدارنګه د وکیل محمدولي په نوم شخص موضوع باندې بحث وکړ چې نوموړی د ٢٠٠ کورنیو په استازیتوب د ارغنداب رود ته څېرمه د شخصي ملکیت ادعا لرل، پرېکړه وشوه چې موضوع دې محمکې ته وړاندې شي.
همدارنګه تخنیکي پلاوي په ناسته کی د ذوالیدی اړوند ۸ جلده دوسې تر تحلیل او ارزونې وروسته اړونده محاکمو ته محول کړې .
په نننئ ناسته کې تخنیکي پلاوي له ولسي وګړو سره ولیدل، د هغوی املاکي ستونزې یې واورېدې او د حل په اړه یې د اصولي کړنو ډاډ ورکړل.
