د کندهار میوند کې څارویو ته د چنجیو ضد درمل ورکول کېږي
۲۱ مرغومې ۱۴۰۲ه.ش
۲۹ جُمَادَى الثاني ۱۴۴۵ ه.ق
دکندهار دکرنې، اوبولګولو او مالدارۍ ریاست چارواکي وایي، چې د هالنډ کمېټې په همکارۍ ددې ولایت د میوند په ولسوالی کې د څارویو د خوندیتوب په پار وړو شخوند وهونکو څارویو ته د چنجیو ضد درمل ورکول کېږي.
د چارواکو په خبره ددې پروګرام په ترڅ کې ۳۹ زره او ۸۰۰ څارویو ته د چنجیو ضد درمل ورکول کېږي.
باید وویل شي، چې یاد پروګرام د میوند ترڅنګ د خاګریز په ولسوالی کې هم پلي کېږي، چې موخه یې د څارویو خوندیتوب او په ټوله کې د مالدارۍ سکټور ودې او پراختیا ته زمینه برابرول دي.
