د هلمند مرکز لښکرګاه کې د لبنیاتو له پلورنځیو څارنه او ارزونه وشوه
۱۴ مرغومې ۱۴۰۲ه.ش
۲۲ جُمَادَى الثاني ۱۴۴۵ ه.ق
د هلمند د کرنې، اوبولګولو او مالدارۍ ریاست اړوند د مالدارۍ او حیواني روغتیا آمریت کارکوونکو له خوا، ددې ولایت مرکز لښکرګاه ښار کې د لبنیاتو له ګڼو پلورنځیو څارنه او ارزونه ترسره شوه
دیادې څارنې په ترڅ کې د لبني توکو د پېر- پلور د کار میکانیزم پلورونکو ته تشریح شو او دغه راز دوی ته سپارښتنې وشوې چې خپلې چارې د ځانګړې طرزالعمل له مخې مخته وړي تر څو د هلمندوالو د ښې روغتیا په برخه کې لازم خدمات وړاندې شي.
نوموړي پلاوي یادو پلورونکو ته وویل، چې د خپلو هټیو پاکوالي، د حشراتو مخنیوی په موخه د ځانګړو جالیو کارولو، حفظ الصحې رعایتول او د لبني موادو کیفیت ساتلو په موخه د یخچال کارونې په برخه کې به ځانګړې پاملرنه کوي.
د یادولو وړ ده، چې د څارنې او ارزونې دغه لړۍ به په دوامداره توګه د ټاکلي پلاوي لخوا څخه ادامه ولري ترڅو هلمندوالو ته باکیفیته لبني توکي وړاندې شي.
