د هلمند دکرنې نوی رییس ددې ادارې کارکوونکو ته ورپېژندل شو

۱۰ مرغومې ۱۴۰۲ه‍.ش
۱۸ جُمَادَى الثاني ۱۴۴۵ ه‍.ق
دکرنې، اوبولګولو او مالدارۍ وزارت تر وړاندیز او د ا.ا.ا تر منظورۍ وروسته مولوی نیاز محمد وهاج د هلمند دکرنې درییس په توګه تر ګمارنې وروسته ددې ادارې کارکوونکو ته ور وپېژندل شو.
د هلمند دکرنې په ریاست کې په دې اړه جوړه شوې غونډه کې دهلمند دکرنې پخوانی رییس مولوی نظر محمد صدیقي، د هلمند د مقام د دفتر رییس ملا عبدالرحمن حذیفه او یوشمېر نورو سیمه ییزو چارواکو ګډون درلود.
په یاده غونډه کې د هلمند دکرنې پخوانی رییس مولوی نظر محمد صدیقي نوی رییس مولوی نیاز محمد وهاج ته د مبارکۍ ترڅنګ په چارو کې د بریالیتوب هیله وکړه.
په همدې حال کې د هلمند د مقام د دفتر رییس ملا عبدالرحمن حذیفه په خپلو خبرو کې وویل، ادلون او بدلون د امارت اصل  دي، چې موږ د امارت ټولو وړاندیزونو ته ژمن یو او په اداراتو کې ادلون بدلون د چارو دښه والي په موخه ترسره کېږي.
د هلمند دکرنې نوي رییس مولوی نیازمحمد دهاج وویل: « د ا.ا.ا له مشرانو مننه کوم چې په ما یې باور وکړ او د یو لوي مسؤلیت اعتماد یې پر ما وکړ، د خپل وس او توان مطابق به د مشرانو اعتماد وساتم او کارونو ته به پوره متوجي او د ولسونو ستونزې ته به وخت رسېدنه وکړم.»