هلمند کې د خرماوو بڼونه او شنې خونې جوړېږي
٢۷ لیندۍ ۱۴۰۲ه.ش
۵ جُمَادَى الثاني ۱۴۴۵ ه.ق
د هلمند دکرنې، اوبولګولو او مالدارۍ ریاست چارواکي وایي، چې په دې ولایت کې یې د خرماوو د حاصلاتو زیاتوالي په پار د هلمند ولایت په مرکز او یوشمېر ولسوالیو کې د کرنې وزارت د پراختیا یي بودیجې له لارې د خرماوو د لس جریبه نوې بڼونه جوړولو چارې بشپړ او د شپږو شنوخونو رغنیزې چارې روانې دي.
د هلمند دکرنې ریاست چارواکي وایي، چې په دې ولایت کې د خرماوو بڼونه جوړ شوي دي، چې د اسلامي امارت تر بیا واکمنېدو وروسته لس جریبه نور بڼونه هم جوړشول، چې څو ډوله خرما په کې شتون لري.
د هلمند دکرنې ریاست مسوولینو دغو بڼونو څخه د لیدنې په ترڅ کې اړونده بزګرو ته د خرماوو د بڼونو ښې روزنې او پالنې سپارښتنې وکړې او ترڅنګ یې بڼوالو ته لازمې مشورې هم ورکړل شوي دي.
دغه راز دکرنې ریاست پلاوي ددې ولایت له جوړېدونکو شنوخونو څخه د څارنې په ترڅ کې اړوندو چارواکو ته لازمې لارښوونې او سپارښتنې وکړې.
