راستنېدونکو کورنیو سره د مرستې په پارهڅې؛آغاخان بنسټ د ۱۰۰ خیمو او ۲۰۰ ترپالونو مرسته وکړه

٢۱ لړم ۱۴۰۲ه‍.ش
٢۸ ربیع‌الثاني ۱۴۴۵ ه‍.ق
د کرنې، اوبولګولو او مالدارۍ وزارت مالي او اداري مرستیال مولوی فضل الباري فضلي او د عشر او زکات رییس مولوي شمس الله محمد د ننګرهار ولایت د کرنې اړوندو ادارو کارکوونکو سره د تورخم بندر ته تللي او هلته یې کډوالو لپاره د موقتې سرپناه، د څښاک اوبه، خوراکي توکو، تشنابونو او نوورو اسانتیاوو پر برابرولو بوخت دي.
دکرنې وزارت د عشر او زکات رییس وویل، چې دوی له څو ورځو را په دې خوا د تورخم په بندر کې راستنېدونکو کورنیو لپاره د خیموو پر لګولو، د پاکو اوبو برابرولو، تشنابونو جوړولو او په خیمو کې د کسانو پر ځای پرځآیولو بوخت دي.
مولوي شمس الله محمد  وویل؛ اغا خان بنسټ له لوري دوی سره د ۱۰۰ خیمو او ۲۰۰ ترپالونو مرسته وشوه، چې مربوطه ګودام ته یې وسپارل.
هغه وویل؛ په مېشت غالي کې د نقشې مطابق د سړک جوړولو له چارو څارنه ترسره وشوه او  هغه خیمې او تشنابونه، چې د نقشې له مخې سړک پرې راغلی راټول او بل خوندي ځای ته ولېږدول شول.
دغه راز د کډوالو نړیوالې ادارې «آی.او.ام» دفتر ترڅنګ د افغان کورنیو لپاره داوبو ټانکۍ ولګول شو، ترڅو هلته هم د اوبو ستونزه حل شي.
وروسته له هغه چې پاکستان له هغه هېواده د افغان کډوالو د اجباري شړلو د بشري قوانينو خلاف پرېکړه وکړه، هره ورځ د تورخم او کندهار له سپين بولدک بندر څخه زرګونه کسان افغانستان ته داخلېږي.
په همدې موخه د افغانستان اسلامي امارت د مشرتابه پلاوی په لارښوونه له پاکستان څخه د راستنیدونکو کډوالو لپاره د لازمو اسانتیاوو د برابرولو په موخه د امارت له څو ادارو څخه یو کمیسیون جوړ شوی دی، ترڅو له پاکستان څخه راستنېدونکو کډوالو لپاره لازمې اسانتیاوې برابرې کړي.