د کرنې وزارت پلاوي د ننګرهار د کرنې ریاست له بېلابېلو برخو څخه لیدنه وکړه

۱۰ لړم ۱۴۰۲ه‍.ش
۱۷ ربیع‌الثاني ۱۴۴۵ ه‍.ق
د جیودیزي او کدستر د رییس په مشرې راغلي پلاوي چې د ننګرهار کرنې، اوبولګولو او مالدارۍ رییس مولوي عبدالستار محمد یې ملتیا کوله د مالدارۍ له کلنیک او څېړنیز فارم له بېلابېلو برخو، کړنو او روانو فعالیتونو څخه لیدنه وکړه.
د ننګرهار د کرنې رییس مولوي عبدالستار محمد له لورې راغلي پلاوي ته د کرنې ریاست د مالدارۍ کلنیک، تشخیص، درملنې او د څېړنیز فارم کې د غله جاتو، سبو، دتخمونو پاک کارۍ ، دغنمو مورني تخم تولید زیاتوالي او ګڼو نورو برخو کې معلومات ورکړل.
د کدستر رییس مولوي سعیدالرحمن مظهري وویل په ننګرهار کې د کرنې او مالدارۍ په برخه کې کړنې د اصولو او دافغانستان اسلامي امارت د تګلارو مطابق روانې دي،  چې بزګرانو، مالدارانو او په ټوله کې د ننګرهار ولسونو ته چوپړتیاوې وړاندې کوي.
مظهري د سویابینو، مېوو د پروسس او د ۱۹ ټنه غنمو د مورني تخم تولید خوښي وښود.