د ننګرهارکانال شرکت: د لبنیاتو برخه به لا غني شي

٢۳ تله ۱۴۰۲ه‍.ش
۳۰ ربیع‌الاول۱۴۴۵ ه‍.ق
ننګرهارکانال شرکت چارواکي وایي، چې د لبنیاتو د زیاتوالي په پار یې هڅې چټکې کړي دي، چې په دې برخه کې ځان بسیاینې ته ورسېږي.
د ننګرهار کانال شرکت چارواکي وایي، چې د څلور لسیزو وروسته دوهم فارم د مالدارۍ زیانمن شوي فارم د ترمیم چارې اوس بشپړېدو ته نږدې شوی دی. ددغه فارم غواګانو خوارک او نورو بېلابیلو برخو لپاره کابو څه د پاڅه ۵۰۰ جریبه ځمکه بېله شوی ده .
ددغه فارم ودانۍ په ۱۵ جریبه ځمکه کې ترمیمېږي او چارې يې ګړندۍ روانې دي . 
ددوهم فارم د مالدارۍ  په دغه فارم کې څلوراعلی نسلونه غواګانې (۵۰۰ سره غواګانې ) ساتل کېږي، چې په کې به د شېدو پروسس امکانات، ماشینونه،  سایلج کندې، د غواګانو لوشنې ماشینونه او نور شتون ولري .
د مالدارۍ دغه ستر فارم یو د خصوصي سکټور له خوا جوړېږي، هره ورځ کابو۴۰ تنه په مستقیمه توګه او لسګونه نورهېوادوال په غېرې مستقیمه توګه په کې په کار بوخت دي.
 ددغه فارم په جوړېدو سره به د یادو فارمونود ځمکو ارزښت لا لوړ، بې روزګاره هېوادوالو ته به د کاراو روزګار زمینه برابره، د بې روزګارۍ کچه به ورسره راټیټه او په پایله کې به د پردیو بې کیفیته لبنیاتو نه به مو هېوادوال خلاص شي.