د میدان وردګو ولایت دکرنې رییس د ملګرو ملتونو د خوړو او کرنې ادارې عمومي رییس سره وکتل

۱۶ تله ۱۴۰۲ه‍.ش
۲۳ ربیع‌الاول ۱۴۴۵ه‍.ق
دمیدان وردګو ولایت دکرنې، اوبولګولو او مالدارۍ رییس عبدالجبار خالد په افغانستان کې د ملګرو ملتونو د خوړو او کرنې ادارې عمومي مسوول ریچارډ ټرنچر سره په کته کې د د شویو فعالیتونو او راتلونکو پلانونو په هکله خبرې وکړې.
په دې غونډه کې د افغانستان لپاره د ملګرو ملتونو دخوړو او کرنې ادارې (اف،اې،او) عمومي رییس ریچارډ ټرنچر په افغانستان کې د یادې ادارې پر فعالیتونو خبرې وکړې او ویې ویل، چې د ملګرو ملتونو د خوړو او کرنې اداره تېر کال شپږ میلیونه کورنیو سره په بېلابېلو برخو کې مرستې او همکارۍ کړي دي، چې راتلونکی کال کې به دا مرستې ۹ میلیونه کورنیو ته ورسېږي.
په همدې حال کې د میدان وردګو ولایت دکرنې، اوبولګولو او مالدارۍ رییس مولوی عبدالجبار خالد ددې ادارې ستونزې او ننګونې له ریچارډ ټرنچر سره شریکې کړې او په خپلو خبرو کې وویل، چې مرستې باید په خپل وخت کې ترسره شي هغه زیاته کړه: «ټولې مرستې باید پر خپل وخت ترسره شي، کیفیت او کمیت ته باید پاملره ووشي، ټولې مرستې باید د سکټورې ادارې په همغږۍ ترسره شي او ټول قانوني پړاونه باید پلي کړي»
په دې کتنه کې په افغانستان کې د ملګرو ملتونو دخوړو او کرنې ادارې عمومي رییس دمیدان وردګو ولایت دکرنې رییس سره دهراز همکاریو ډاډ څرګند کړ.