زابل کې د ځمکې د غصب مخنیوی او غصب شویو ځمکو د بېرته را ګرځولو کمېټې کړنې
۱۰ تله ۱۴۰۲ه.ش
١۷ ربیع‌الاول ۱۴۴۵ه.ق
زابل کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
د دغو هلو ځلو په دوام دزابل ولایت د ځمکو د غصب مخنیوی تخنیکي پلاوی په لارښوونه د شهر صفا ولسوالی په بېلابېلو سیمو کې د امارتي ځمکو د غصب مخه ونیول شوه.
د غصب د مخنیوي په دې کمپاین کې، د یادې ولسوالی امنیتي او د کرنې چارواکو برخه اخیستې وه، چې د ګڼو اشخاصو او افرادو لخوا په اما/رتي ځمکو برمې بندې او په سیمه کې د هر ډول خپلسرو تصرفاتو په کلکه مخنیوی وشو.
د یادونې وړ ده، چې تر دې وړاندې هم زابل کې د سلګونه جریبه ځمکي د غصب مخنیوی شوی دی او لا هم دا لړۍ ادامه لري.
