د پکتیا دکرنې رییس د پاملرنې مؤسسې له چارواکو سره وکتل

د پکتیا دکرنې، اوبولګولو او مالدارۍ رییس مولوی عبدالرؤف سعید په داسې حال کې، چې ددې ولایت د مالدارۍ آمر نورالله دریش، د کرنې متخصص صالح محمد احمدي هم شتون درلود د پاملرنې موسسې چارواکو سره وکتل.
په ناسته کې په دوه اړخېزه همکاريو د بحث ترڅنګ د ښې همغږۍ په رامنځته کولو ټينګار وشو، همداراز د یادې موسسې مسؤلینو د پکتیا دکرنې سره د خپلې پروژې دترسره شویو کړنو او راتلونکو پروژو په اړه معلومات شریک کړل، او زیاته یې کړه، چې د پکتیا ولایت په څمکنیو ولسوالی کې د کرنې، اوبو لګولو او مالدارۍ ریاست اړوند لس بابه سړې خونې چې پخوا جوړه شوې وه اوس محال ۶۰ فیصده تخریب شوې ده نو موږ غواړو چې نوموړې سړې خونې په اساسې ډول بیا ورغوو، ترڅو د یادې ولسوالس بزګران وکولای شي خپل محصولات په معیاري ډول وساتې.
په همدې حال کې د پکتیا دکرنې رییس مولو عبدالرؤف سعید په خپلو خبرو کې د يادې مؤسسې له کړنو څخه مننه وکړه او له مسولينو سره د همکارۍ د ژمنې ترڅنګ د يادې مؤسسې له مسئولينو وغوښتل، چې خپلې چارې د کرنې رياست سره په همغږۍ سرته ورسوي.