د کلیو د بیارغونې او پراختیا وزیر دکندز دکرنې رییس سره وکتل
٢۸ وږي ۱۴۰۲ه.ش
۴ ربیع‌الاول ۱۴۴۵ه.ق
دکلیو د بیارغونې او پراختیا وزیر الحاج محمد یونس اخندزاده کندز ولایت ته د سفر په ترڅ کې ددې ولایت دکرنې رییس الحاج مولوی امان الله حسن سره دکتنې په ترڅ کې پر بېلابېلو موضوعاتو خبرې اترې وکړې.
د لیدنې په پیل کې د کندز دکرنې رییس الحاج مولوی امان الله حسن د کلیو د بیارغونې او پراختیا وزیر ته په کلیو او بانډو کې ددې ادارې د فعالیتونه په هکله معلومات وړاندې کړل او هغه ستونزې او ننګونې چې په کلیو او بانډو کې بزګران، بڼوال او مالداران ورسره مخ دي د کلیو د بیارغونې او پراختیا وزیر الحاج محمدیونس اخندزاده سره شریک کړل.
ورپسې د کلیو د بیارغونې او پراختیا وزیر الحاج محمد یونس اخندزاده د په کلیو او بانډو کې د کندز دکرنې ریاست کړنې او فعالیتونه وستایل او په کلیو او بانډو کې له بزګرانو او مالدارانو سره د هرراز هماریو ژمنه وکړه.
په پای کې د کلیو د بیارغونې او پراختیا وزیر او د کندز دکرنې رییس د کندز دکرنې ریاست اړوند له یوشمېر فعالیتونو څخه هم لیدنه وکړه.
