د ننګرهار  کوټ کې ۱۹۰ بزګران وروزل شول 

٢١ زمری ۱۴۰۲ه‍.ش
٢٥ مُحَرَّمُ الحَرام ۱۴۴۵ه‍.ق 
د ننګرهار ړ کرنې، اوبولګولو او مالدارۍ ریاست اړوند د بوټو ساتنې مدیریت کارکونکو له لورې د کوټ ولسوالی په شبدیانو، سه پای،  بره غاړه او کټیانو  کې ۱۹۰ تنو کرونده ګرو او بڼوالو ته روزنه ورکړل شوه.
د  کوټ ولسوالی د بوټو ساتنې مدیریت له لورې  ۱۹۰  تنو بزګرانو ته د رومیانو،  سپږۍ، افاتو،  جوارو د تني چینجۍ،  هرزه وښو مخنیوي،  د سبو او نورو بوټو کې د ناروغیو او افاتو د هراړخیز کنټرول په موخه روزنه ورکړل شوه.
دغه راز په ياده ولسوالی کې بزګرانو او بڼوالو ته په بڼونو  کې د کیمیاوي درملو استعمال، د ژغورنې احتیاطي  تدابېرو، د درملو زیانونو او ګڼو نورو برخو کې روزنه ورکړل شوه.
د ننګرهار د کرنې،  اوبولګولو او مالدارۍ ریاست هڅه کوي، د خپلو متخصصینو پر مټ بزګرانو او بڼوالو ته د ناروغیو او افاتو په اړه پر وخت معلومات وړاندې ترڅو د ناروغیو مخنیوي وشي او بزګران له زیانونو خلاص شي.