د غوښو تولید په پار هڅې؛ ننګرهار کې ۲۰۰۰  څارویو ته متراکمه خواړه ورکول کېږي 

۱۹ زمری ۱۴۰۲ه‍.ش
۲۳ مُحَرَّمُ الحَرام ۱۴۴۵ه‍.ق
د ننګرهارد کرنې، اوبولګولو او مالدارۍ ریاست په هڅو د افغانستان لپاره د هالینډ کمیټې په تخنیکي همکارۍ او د کرنې نړیوالې ادارې په مالي لګښت  ۵۲۰ کورنیو ۲ زره وړو څارویو ته د چاغښت په موخه متراکمه حیوانې خوراکه ورکول کېږي. 
دننګرهار د کرنې، اوبولګولو او مالدارۍ رییس مولوي عبدالستار محمد وویل د هالینډ کمیټه د ننګرها ر په ۱۳ ولسوالیو دوربابا، شینوارو، نازیان، اچین، کوټ، رودات، هسکه مېنه، پچیراګام، خوګیانو، شېرزاد، حصارک،  سره رود او دره نور کې  ۲ زره څارویو ته  متراکمه خوراکه ورکول کېږي. 
د ننګرهار دکرنې رییس په خبره اوسمهال په کوټ،  شینوارو،  پچیراګام او دره نور ولسوالیو کې د خوراکې د وېش لړۍ پیل شوې او په نږدې ورځو کې به په نورو ولسوالیو کې هم پیل شي.
دغه راز د مالدارانو اقتصادي وضعیت ته په کتلو هر مالدار ته د ۴  وړو څارویو څخه درې په نښه او متراکمه خوراکه د چاغښت په موخه ورکړل شي.
ذکر شویو څارویو لرونکو ته به د ۷۵ کیلو ګرامه په اندازه  متراکمه حیواني خوراکه ورکړل شي. 
یاده کمېټه ددې ترڅنګ مالدارانو ته د چنجیو ضد درملو،  واکسینونو، وړیو صنعت او بازارموندنې په برخه کې هم خدمات ترسره کوي.