لغمان کې د ځمکې غصب او غصب شويو ځمکو بېرته راکرځولو کمېټې غونډه دائره شوه
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دکرنې رييس مولوی محمد ولي محسن په مشرۍ د لغمان د ولایت مقام په مېلمستون کې غونډه دائره کړه.
د غونډې په پيل کې د لغمان دکرنې رييس او د کمېټې مشر مولوي محمدولي محسن لارښوونکې وینا ویلو ترڅنګ د تېرې غونډی دپریکړو دتطبیق ارزونه وکړه.
په دې غونډه کې د لغمان مرکز اړوند دشمټیو سیمې یوشمېر اوسیدونکو خپله عریضه تخنیکي پلاوی ته وړاندې کړل او د غصب شوې ادرې د موضوع په هکله خبرې وشوې. په ورته مهال د پنج پای سیمې اوسیدونکو د محمدګل او عبدالمالک ترمنځ په امارتي ځمکې په سر د اوښتې منازعې په هکله بحث او خبرې وشوې د بحث څخه وروسته دنوموړې موضوع مدعي او مدعي علیه غونډې ته را وغوښتل شول او له دوی څخه د موضوع اړوند څرګندونې واوریدل شوې.
دیادې غونډې په لړ کې دغه راز د لغمان د مرکز اړوند دکوټه طور کلي د رهایشي نمرو د دوسیې مدافعې وکیل حمیدالله او مدعي علیه خوشحال او ملیار له تخنیکي پلاوی سره ولیدل په دې لیدنه کې نوموړوله تخنیکي پلاوی څخه وپوښتل، چې دوسیې یې له محکمې څخه رارسیدلي او که نه چې په دې اړه دوي ته لازم معلومات ورکړل شو.
همداراز غونډه کې د لغمان مرکز اړوند دتعمیرو کلي د محمدعالم او نبي سرور ترمنځ د رهایشي نمرو په سر دلانجې په موضوع بحث او خبرې وشوې، وروسته به دپنج پای، پیرابابا سیمو سربېره دعزیزخان کڅ دګدام سنګي موضوعاتو دبررسۍ لپاره ساحې څخه لیدنه ترسره شي.
په دې غونډه کې پر بېلابېلو موضوعاتو خبرې اترې وشوې او د غونډي نورو ګډون والو یو له بل سره خپل نظرونه شریک کړل.
