د بزګر مېله او د کرنیزو او مالدارۍ محصولاتو څلور دېرشم نندارتون سږ کال د ۱۴۰۵ لمریز کال د غويي له ۲مې څخه تر ۵مې نېټې پورې د کابل په بادامباغ کې په لاره اچول کېږي.
د بزګر مېله او د کرنیزو او مالدارۍ محصولاتو څلور دېرشم نندارتون سږ کال د ۱۴۰۵ لمریز کال د غويي له ۲مې څخه تر ۵مې نېټې پورې د څلورو ورځو لپاره، د « عصري کرنه او مالداري؛ د خوړو خوندیتوب او د هېواد د اقتصادي ودې زمینه برابروونکي» تر شعار لاندې، د کابل په بادامباغ کې د زرګونو نندارچیانو په شتون کې په لاره اچول کېږي. په دې نندارتون کې د غرفې په نیولو سره خپل کرنیز او مالدارۍ محصولات خرڅ کړئ.
ټولو هغو شرکتونو ته چې د کرنیزو، بڼوالۍ، مالدارۍ او اوبولګولو د تولیداتو په برخه کې فعاله دي، خبر ورکول کېږي، چې نندارې ته ستاسو د محصولاتو د وړاندې کولو په پار ددې نندارتون غرفې د ۱۴۰۴ ام کال د کب له ۱۶ مې نېټې څخه پیل شوي او د ۱۴۰۵ کال د غويي تر لومړی نېټې وېشل کېږي.
مهرباني وکړئ د نوم لیکنې او د غرفې د ثبت په پار دکرنې وزارت د خصوصي سکټور پراختیا ریاست د کرنیز نندارتون آمریت ته تشریف راوړئ.
