دمیدان وردګو ولایت په دوو ولسوالیو کې پر یوشمېر مستحقو کورنیو مرستې ووېشل شوې
۲۷ غویی ۱۴۰۵ه.ش
۳۰ ذُو ٱلْقَعْدَةِ ۱۴۴۷ه.ق
دمیدان وردګو ولایت دایمیرداد اوحصه اول بهسود ولسوالیو په کچه د کرنې ریاست تر چتر لاندې، د «کلیوالي ودې او پراختیا پروګرام» تر عنوان لاندې د ډاکار مؤسسې له لوري د کرنې او مالدارۍ په برخه کې بېلابېل فعالیتونه روان دي.
ددغو فعالیتونو په ترڅ کې د دایمیرداد اوحصه اول بهسود ولسوالیو په بېلابېلو حوزو کې د کرنیزو چارو مدیریت سره په بشپړه همغږۍ د ډاکار مؤسسې له خوا ۱۰۰ مستحقو مېرمنو ته چې مخکې له مخکې د چرګانو د بستو د وېش په موخه سروې شوې وې هرې مستحقې میرمنې ته دوه بورۍ ۵۰ کیلویي د چرګانو دانه، درې عدده آبخورۍ او درې عدده دانهخورۍ ووېشل شوې.
د یادو وسایلو په ترلاسه کولو سره له مرستو برخمن شویو مېرمنو خپله خوښي څرګنده کړه او د کرنې ریاست او ډاکار مؤسسې له مسؤلو کسانو څخه یې مننه وکړه. همداراز یې په راتلونکي کې د ورته نورو پروګرامونو د پلي کېدو غوښتنه هم وکړه.
هیردنه وي چې د چرګانو د بستود وېش بهیر به په راتلونکې نیږدې ورځو کې پیل شي.
