میدان وردګو ولایت کې ۱۴۵۷۸ کورنیو سره مرستې وشوې

۵تله ۱۴۰۱ه‍.ش
۳۰صَفَرالمظفّر ۱۴۴۴ ه‍.ق
د میدان وردګو ولایت دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې (FAO) او (STARS) مؤسسې په همکارۍ ددې ولایت له ۱۴۵۷۸ کورنیو سره په بېلابېلو برخو کې مرستې کړي دي.
د چارواکو په خبره له یادو ۱۴۵۷۸ کورنیو سره په پنځو برخو کې مرستې شوي دي، چې په کې، اصلاح شوي تخمونه، د کورنیو بڼونو جوړولو اړونده توکي، د څارویو خوراکي توکو، دکرنې اړونده توکي او د کورنیو چرګانو فارمونو جوړولو توکي شامل دي.
دغه راز د میدان وردګو ولایت دکرنې ریاست د UNOCHA/ STARS په مرسته ۲۱ زره مستحقو کورنیو سره روانه پروژه هم لري، چې په کې ۱۶ زره کروندګور ته  اصلاح شوي تخمونه، ۵۰۰۰ زره کورنیو لپاره د کورنیو بڼونو جوړولو اړونده توکي او ۲۰۷۲ سره د ۸۰ ډالرو معادل نغدې پیسې وېشل شامل دي.
باید وویل شي، چې د یادې مؤسسې په مرسته تر دې مخکې هم په دې ولایت کې زرګونو کورنیو سره په بېلابېلو برخو کې مرستې او همکارۍ شوي دي.