د لوګر دکرنې ریاست: د اصلاح شویو تخمونو له شرکتونو څخه لیدنه او څارنه وشوه
۱۷ زمری ۱۴۰۱ه.ش
۱۰ محرم الحرام ۱۴۴۴ ه.ق
د لوګر د کرنې، اوبولګولو او مالدارۍ ریاست وایي، چې ددې ولایت د اصلاح شویو تخمونو له شرکتونو څخه لیدنه او څارنه ترسره شوه.
د لوګر د کرنې، اوبولګولو او مالدارۍ رییس مولوی سید امین هاشمي په داسې حال کې، چې د لوګر دکرنیزو چارو آمر محمدرفیع ابراهیمي هم ورسره مل وو د لوګر مرکز اړوند برادران لوګر او میر ابدال د اصلاح شویو تخمونو له شرکتونو څخه لیدنه او څارنه وکړه.
ددې لیدنې په ترڅ کې ټول هغه تخمونه چې ګودامونو کې ځای پر ځای شوی وو وڅارل شول او مسؤولینو ته یې لازمې لارښوونې او سپارښتنې وشوې.
