لوګر کې د شُلُک د اوبو زېرمې او کانال رغنیزې چارې ۳۵ سلنه پرمخ تللې
۷ زمری ۱۴۰۰
د لوګر ولایت د مرکز اړوند د شُلُک کلي د شُلُک کانال او د اوبو زېرمې د پروژې رغنیزې چارې روانې دي، چې تر دې دمه یې رغنیزې چارې څه باندې ۳۵ سلنه بشپړ شوي دي.
په دغه پروژه کې، د ۱۲۸۰ مترمکعب اوبو په وړتیا سره د اوبو یوه زېرمه، چې اوږدوالی یي ۴۲، سوریې ۲۲ او لوړوالی یې ۱.۶ متر ده او د یوزر او۴۶۵ مترو په اوږدوالی د اوبولګولو کانال جوړول شامل دي.
ددې پروژې د پلي کولو ټولیز لګښت اووه میلیونه افغانۍ ده، چې د کرنې د پرمختیا نړیوال صندوق (IFAD) له خوا تمویل او د کرنې وزارت د خلکو په ګډون دکرنې او مالدارۍ پروګرام(CLAP) له لارې پلي کېږي.
ددې پروژې له ګټو څخه ۳۰۰ کورنۍ په نېغه او ۲۱۰۰ کورنۍ په نانېغه توګه برخمن کېږي.
