یوشمېر کوچي پاراوټرنرانو ته د روزنې ترڅنګ روغتیایي تجهیزات ورکړل شو
۱۵ تله ۱۳۹۹
د کرنې وزارت د خلکو په کډون د کرنې او مالدارۍ برنامه «CLAP» اته کوچي پاراوټرنرانو ته د سیمه ییزو کرځنده کلینیکونو د جوړولو په پار د روزنې تر څنګ روغتیایي کڅوړې او اړیت تجهیزات ور کړي دي.
د څارویو د روغتیايي توکو اړونده کڅوړې پر یادو پاراوټرنرانو له شپږ میاشتنۍ روزنیزې دورې وروسته وېشل شوي دي.
دغه پاراوټرنران د خوست، بلخ، بغلان، کابل، لغمان او پروان ولایتونو دي، چې د شپږ میاشتنۍ روزنیزې دورې په لړ کې یې د څارویو د یوشمېر ناروغیو درملنه او د واکسینو لارې چارې زده کړي دي.
په دغو کڅوړو کې په هره کڅوړه کې ۳۰ طبي تجهیزات شامل دي، چې په کوچي مېشتو سیمو کې د حیواني کلینیکونو د جوړولو په موخه وېشل شوي دي.
د چارواکو په خبره یاد روزنیز پروګرام د وټرنرانو د ظرفیت لوړولو، د ښو خدماتو د عرضې او د کوچیانو د مالونو د خوندي کولو په برخه کې خورا اړین ګام دی.
