کندز کې د ممګلي د اوبو لګولو کانال چارې په بشپړېدو دي

content_admin
یکشنبه ۱۴۰۰/۳/۲ - ۱۵:۴۹
کندز کې د ممګلي د اوبو لګولو کانال چارې په بشپړېدو دي

۲ غبرګولی ۱۴۰۰
د کرنې، اوبولګولو او مالدارۍ وزارت اړوند د آمو پنځمې حوزې سکتوري پروژې چارواکي وایي، چې د کندز د ممګلي د اوبولګولو کانال چارې ۹۰ سلنه بشپړ شوي دي، چې پاتې چارې به یې هم ډېر ژر بشپړ او ګټې اخیستنې ته به وسپارل شي.
د ممګلي د اوبو لګولو کانال د کندز ولایت مرکز اړوند سیمه کې موقعیت لري.
یاد کانال د ګل تیپې له عمومي کانال څخه سرچینه اخلي او په ټولییزه توګه اوه کیلو متره اوږدوالی لري. دا کانال ۱۸ درېیمه درجه کانالونه لري او په ټوله کې یو زر او ۲۰۰ جریبه ځمکه خړوبوي. د یاد کانال په بشپړیدو سره به د سیمې د بزګرانو کرنیز حاصلات لوړ او د اوبو د ضایعاتو اساسي مخنیوی وشي. ددې کانال څخه ۲۵ کورنیو ته په نیغه توګه ګټه رسېږي.
باید وویل شي، چې د کرنې وزارت اړوند د آمو پنځمې حوزې سکتوري پروژه د هېواد په درېوو ولایتونو (بدخشان، تخار او کندز) کې د اوبو لګولو، آبریزو، ننداریزو ټوټو او همدارنګه بزګرانو ته د روزنیزو پروګرامونو په برخه کې کار کوي. یاده پروژه د آسیايي پراختیايي بانک (ADB) او اروپایي ټولنې (EU) لخوا تمویل او د کرنې، اوبو لګولو او مالدارۍ وزارت لخوا پلي کېږي. نوموړې پروژه د افغانستان په شمالي ولایتونو کې د اوبو لګولو یو زیات شمېر دویمه او درېیمه درجه کانالونه بشپړ کړې او همدارنګه د یو شمېر کانالونو رغنیزې چارې تر کار لاندې دي.

تازه ترین اخبار

دوشنبه ۱۴۰۴/۷/۱۴ - ۱۴:۲۹
Background image

پنجشېر کې د لوبیا حاصلات زیات شوي 

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د پنجشېر د کرنې، اوبو لګولو او مالدارۍ ریاست اعلان کړی، چې په روان کال کې د دې ولایت د لوبیا حاصلات د تېر کال په پرتله پنځه سلنه زیات شوي. . .

دوشنبه ۱۴۰۴/۷/۱۴ - ۱۱:۲۳
Background image

میدان وردګو کې د ګیلاسو حاصلات ډېر شوي 

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د میدان وردګو د کرنې، اوبو لګولو او مالدارۍ ریاست ویلي، چې په روان کال کې له دې ولایت څخه له ۲۰۴۰ متریک ټنه زیات دګیلاسو حاصلات ترلاسه شوي. . .

دوشنبه ۱۴۰۴/۷/۱۴ - ۱۱:۱۱
Background image

د وچکالۍ پر وړاندې د اسلامي امارت عملي ګامونه؛ روزګان کې د درې میلیونه افغانیو په ارزښت د چک ډېم چارې پیل شوې

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت د ځانګړې بودیجې په لګښت د روزګان ولایت د ترینکوټ اړوند د ناقیل په سیمه کې د اوبو د مهار او د وچکالۍ د. . .

بازگشت