د میدان وردګو جلریز ولسوالی کې پر یوشمېر بزګرانو د غنمو اصلاح شوي تخمونه او کیمیاوي سرې ووېشل شوې
د میدان وردګو ولایت د کرنې، اوبو لګولو او مالدارۍ ریاست د معلوماتو له مخې، د دغه ولایت په جلریز ولسوالی کې د همکارو مؤسسو په تخنیکي همکارۍ د یوشمېر مستحقو بزګرانو ترمنځ د غنمو اصلاح شوي تخمونه او کیمیاوي سرې ووېشل شوې.
د وېش دغه بهیر د میدان وردګو ولایت دکرنې ریاست تر نظارت لاندې ترسره شوه. د پلان له مخې، هر بزګر ته ۵۰ کیلوګرامه اصلاح شوی د غنمو تخم، ۵۰ کیلوګرامه توره کیمیاوي سره او ۵۰ کیلوګرامه سپینه سره (یوریا) ورکړل شوي دي.
دمیدان وردګو ولایت د کرنې ریاست چارواکي وایي، دا مرسته د بزګرانو د حاصلاتو د زیاتوالي، د کرنیزو چارو د ودې او د خوست ولایت د کرنې سکتور د پیاوړتیا په موخه عملي شوې ده.
بزګران د دې پروګرام هرکلی کوي او تمه لري، چې د یادو مرستو په مټ به د دوی د غنمو حاصلات د پام وړ لوړ شي.
