پروان کې د ځمکې د غصب مخنیوی او غصب شویو ځمکو د بېرته را ګرځولو کمېټې غونډه
۱۳ چنګاښ ۱۴۰۲ه.ش
۱۶ ذیالحِجّة ۱۴۴۴ ه.ق
پروان کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
د دغو هلو ځلو په دوام د یادې کمېټې رییس او غړو د یوې غونډې په ترڅ کې پر بېلابېلو موضوعاتو خبرې اترې وکړې.
په دې غونډه کې د ځمکې د غصب مخنیوی او غصب شویو ځمکو د بېرته را ګرځولو کمېټې رییس مولوی صاحب محمد رحیم نعماني، د عدلیې رییس مولوی صاحب عبدالقدیر عابد، مستو في مفتي کفایت الله حقاني، د امارت دقضایاوو آمر مولوی صدیق الله قدوسي، د ښار جوړونې رییس انجنیر نعمت الله حنیف او د پلاوی تخنیکي سکرتر عتیق الله الهام شتون درلود.
د غونډې په پیل کې د عدلیې رییس مولوی عبدالقدیر عابد د بګرام ولسوالی د خم کلان د دوسیې په اړه خبرې وکړې او ګډونوالو سره یې معلومات شریک کړل.
په همدې حال کې د پروان ولایت د ځمکې د غصب مخنیوی او غصب شویو ځمکو د بېرته را ګرځولو کمېټې رییس مولوی صاحب محمد رحیم نعماني هم د بګرام ولسوالی د خم کلان دوسیې په هکله تر خبرو وروسته د راتلونکو سفرونو او د خریدارۍ د پلاوي پر ټاکلو خبرې وکړې.
باید وویل شي، چې د پروان ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
