د لوګر دکرنې رییس د محمدآغې ولسوالی له چارواکو سره وکتل

٢٧ غبرګولی ۱۴۰۲ه‍.ش
٢٨ ذو القعدة ۱۴۴۴ ه‍.ق
د لوګر ولایت دکرنې، اوبولګولو مالدارۍ رییس مولوی سید امین هاشمي ددې ولایت دمحمدآغې ولسوالی  له چارواکوسره وکتل.
دغه ناسته چې، دمحمدآغې ولسوالی په مقام کې جوړه شوی وه، پکې د لوګر د کرنې رییس سربېره د محمدآغې ولسوال مولوی میرهاشم حزب الله، د امنیې قومندان، د استخباراتو او کرنیزو چوپړونو مدیرانو ګډون کړی وو.
په دې غونډه کې له چارواکو سره د عشر اوزکات راټولولو کاري طرزالعمل شریک او پرې هر اړخیزې خبرې اترې وشوې.
د یادولو وړ دی، چې د کرنې، اوبولګولو او مالدارۍ وزارت مسؤولینو له خوا په جوړه شوې طرحه کې د عشر اوزکات راټولول د تېر په څېر په ولایاتوکې د کرنې، اوبولګولو اومالدارۍ ریاست دنده ده، په همدې موخه په مرکز او ولسوالیو کې به مدیره پلاوی، چې په رأس کې به یی ولسوال وی ترې څارنه کوی.
باید وویل شی د لوکر د کرنې،مالدارۍ عشر او زکات ریاست له لوری په هره سیمه کې د عشر او زکات ټولولو مسؤولین ټاکل شوي، تر څو ولسونه یادوکسانو ته عشر او زکات پر خپل وخت وسپاري.