د غزني مالستان کې سلګونو مالدارانو سره مرستې وشوې

د غزني دکرنې، اوبولګولو او مالدارۍ ریاست د «ORD» مؤسسې په همکارۍ ددې ولایت د مالستان ولسوالی سلګونو مالدارانو سره د څارویو خوراکي توکو او شوتلو تخمونو مرستې وکړې.
ددې مرستې په ترڅ کې د مالستان ولسوالی په بېلابېلو کلیو کې سلګونو مالدارانو سره د څارویو لپاره کنجاړه او د شوتلو تخمونو مرستې شوي دي.
د یادې ولسوالی له مالدارانو سره دغه مرستې په داسې حال کې ترسره شوې، چې مخکې هم د نوموړې مؤسسې له خوا د همدې ولسوالی په ګډون د نورو  ولسوالیو ګڼو مالدارو او کوچیانو سره ورته مرستې ترسره شوي دي.
په ورته مهال د سیمې مالداران له یادې مرستې خوښي وښوده او په راتلونکي کې یې هم د لا نورو همکاریو غوښتنه وکړه.
ددې مرستې موخه د بېوزله مالدارانو ملاتړ او په ټوله کې په دې ولسوالی کې د مالدارۍ سکټور ودې ته زمینه برابرول دي.