دننګرهار دکرنې ریاست: سرخرود کې حیواني او کرنیزو درمل او کیمیاوي سرو پلورونکو سره ناسته وشوه
د ننګرهار دکرنې، اوبولګولو او مالدارۍ ریاست وایي، چې ددې ولایت سرخ رود ولسوالی کې د حیواني کرنیزو او کیمیاوي سرو پلورونکو سره د ناستې په ترڅ کې پر بېلابېلو موضوعاتو خبرې اترې وشوې.
څارنه او کنټرول په موخه پلاوی ټاکل شوې وه، چې د یاد پلاوي له خوا ددې ولسوالی د کرنیزو درمل پلورونکو کیمیاوي سرو پلورونکو هټیو څخه څارنه او کنټرول تر سره شوه.
په دې ناسته کې د ننګرهار دکرنې ریاست چارواکو د سرخ رود ولسوالی د کرنیزو درمل پلورونکو کیمیاوي سرو پلورونکو مالکینو ته لازمې سپارښتنې وکړې او زیاته یې کړه چې مالدارانو ته د ښه خدماتو عرضه کولو برخه کې باید د درملو کیفیت ته پوره پاملرنه وشي او بې کیفیته درمل باید استعمال نشي.
ددې ناستې موخه د بې کیفیته او تاریخ تېرو درملو د پلور مخنیوي، په خپل سر د هټیو پرانیستل، او د غیر قانوني درملو د واردولو مخنیوی دی.
د ننګرهار دکرنې ریاست هلې ځلې کوي، چې د غوره چوپړتیاوو په وړاندې کولو سره په دې ولایت کې د کرنې او مالدارۍ پراختیا ته زمینه برابره کړي.
