لغمان کې پر اتو ټولنو د مېوه لرونکو نیالګیو وېش لړۍ پیل شو

د لغمان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «FAO» په مالي مرسته ددې ولایت په مرکز مهترلام، قرغیو او علیشنګ ولسوالیو کې د اتو جوړ شویو ټولنو پر غړو د ۲۱۳ زره او ۹۰۰ مېوه لرونکو نیالګیو د وېش لړۍ پیل کړی دی.
ددغو نیالګیو په وېش غونډه کې د لغمان دکرنې، اوبولګولو او مالدارۍ رییس الحاج مولوی محمد ولي محسن وویل، چې ددې ولایت په مرکز مهترلام، قرغیو او علیشنګ ولسوالیو د ګلارام، حکیم آباد، کرنج،میل دره، ماسموت،کردي سالاب، امبیړ او الیاس خېلو ټولنیو ۲۱۳ زره او ۹۰۰ مېوله لرونکي نیالګي، چې په کې 4900 نیالګي بادام،10500 غوړاسکی،3500 نیالګي جلغوزې،10000 نیالګي چهارمغز او 185000 سپیدارو قلمې شامل دي وېشل کېږي.
ښاغلی محسن دغه راز وویل، چې په نږدې راتلونکې کې به د یادې ادراې له لورې د یادو ټولنو پر غړو د مالټو ۶۰ زره او د زیتونو ۴۵ زره نیالګي هم وېشل کېږي.