د ځمکې غصب مخنیوی کمېسیون رییس او غړي ننګرهار کې د دولتزیو قومي مخورو سره وکتل
۱۷ کب ۱۴۰۱ه.ش
۱۵ شَعبان المُعَظّم ۱۴۴۴ ه.ق
د ا.ا.ا د ځمکې غصب مخنیوی او غصب شویو ځمکو د بېرته راګرځولو کمېسیون رییس او د عدلیې وزیر مولوي عبدالحکيم شرعي په مشرۍ پلاوي، چې په کې د کرنې، اوبولګولو او مالدارۍ وزیر او د ځمکې د غصب مخنیوي کمېسیون غړی مولوی عطاءالله عمري، لوی څارنوال مولوي شمس الدين شريعتي، د ښار جوړونې وزير مولوي حمدالله نعماني، د سترې محکمې استازی شيخ عبدالصمد او د چارو ادارې رییس شیخ نورالحق انور شامل دي، ننګرهار ولایت ته د سفر په ترڅ کې د دې ولايت د دولتزيو قومي مخورو سره د هغو ښارګوټو په اړه وليدل، چې دوی له لوري د غصب په ځمکه جوړ شوي دي.
په دې ليدنه کې چې د ننګرهار د غصب مخنيوي کميسيون غړو هم حضور درلود د دولتزيو قوم ستونزې او وړانديزونه واورېدل شول، چې د قانون له مخې به لازمې پرېکړې وشي.
