ارزګان کې د شړشمو د کرکېلي د پراختیا په پار هڅې

۱۶ وری ۱۴۰۰
د ارزګان ولایت د کرنې، اوبولګولو او مالدارۍ ریاست چارواکي وایي، چې د شړشمو دکرکېلي پراختیا او لا ترویج په پار یې په ترویجي بڼه هڅې چټکې کړي دي.
د ارزګان ولایت د کرنې ریاست د چارواکو په خبره د نورو ګڼو کرنیزو حاصلاتو او تولیداتو تر څنګ یې د شړشمو د پراختیا په پار دوه ننداریزې کروندې جوړې کړي، چې خورا ښه پایله یې ورکړي دي. د دوی په ټکو د شړشمو د ننداریزو کروندو تر څنګ به د نورو تېلي نباتاتو ننداریزې کروندې هم په راتلونکي کې جوړې کړي.
د ارزګان د کرنې ریاست په وینا د شړشمو کرکېله په ارزګان ولایت کې په وحشي بڼه په نورو حاصلاتو کې دوی دی، چې سږ کال یې د پراختیا او لا پېژندنې په پار د کرنې ریاست له لوري ننداریزې کروندې او عامه پوهاوی هغه چارې دي، چې د شړشمو د پراختیا په پار ترسره شوي دي.
د یاد ولایت کروندګر د شړشمو کرکېلې، ترویج او پراختیا په پار ی د مرکز سربېره په ولسوالیو کې هم د کښت غوښتنونکي دي تر څو له ګلانو څخه یې د شاتو په ډېرښت او د وېښتانو تېلو په تولید کې کار واخلي.