میدان وردګو کې یوشمېر بزګرانو ته د ننداریزو کروندو د جوړولو په موخه اصلاح شوي تخمونه او کیمیاوي سرې ووېشل شوې

mail-admin
سه‌شنبه ۱۴۰۵/۷/۲۱ - ۹:۲۳
میدان وردګو کې یوشمېر بزګرانو ته د ننداریزو کروندو د جوړولو په موخه اصلاح شوي تخمونه او کیمیاوي سرې ووېشل شوې

۲۱ تله ۱۴۰۵ هـ.ش
۳۰ رَبِیعُ الْثاني ۱۴۴۸ هـ.ق
د میدان وردګو ولایت د کرنې، اوبو لګولو او مالدارۍ ریاست له لوري د دغه ولایت په مرکز او ولسوالیو کې ۱۵ بزګرانو ته د ننداریزو کروندو د جوړولو، د اصلاح شویو تخمونو د ترویج او د کرنیزو حاصلاتو د زیاتوالي په موخه اصلاح شوي تخمونه، کیمیاوي سرې او د کتاري کښت اړوند لګښتونه ووېشل شول.
دغه مرستې د میدان وردګو ولایت د کرنې، اوبو لګولو او مالدارۍ ریاست د کرنیزو چارو آمریت له لوري د یاد ولایت د مرکز په ګډون په بېلابېلو ولسوالیو کې پر ۱۵ تنو بزګرانو ووېشل شوې، چې موخه یې د کرنې د عصري لارو چارو دودول، د اصلاح شویو تخمونو کارونې ته د بزګرانو هڅول او د ننداریزو کروندو له لارې د کرنیزو تولیداتو د کیفیت او کمیت لوړول دي.
د میدان وردګو د کرنې ریاست د معلوماتو له مخې، د دغو مرستو په ترڅ کې هر بزګر ته د ننداریزې کروندې د جوړولو او په کتاري بڼه د کښت ترسره کولو لپاره اصلاح شوي تخمونه، کیمیاوي سرې او د کښت اړوند لګښتونه برابر شوي، څو د کرنې نوې او اغېزمنې طریقې په عملي ډول وازمویل شي او نور بزګران هم د دغو طریقو کارولو ته وهڅول شي.
د یاد ریاست مسؤلین وایي، هڅه کوي چې د دغه ولایت بزګران له دودیزې کرنې څخه عصري او پرمختللې کرنې ته وهڅوي او د اصلاح شویو تخمونو، نویو کرنیزو ورایټیو او پرمختللو کرنیزو طریقو د ترویج له لارې د بزګرانو تولیدي وړتیا لوړه کړي، څو هغوی وکولای شي په لږ وخت، کم لګښت او محدوده کرنیزه ځمکه کې زیات او باکیفیته حاصلات ترلاسه کړي.
د یادونې وړ ده، چې ننداریزې کروندې د کرنې د عصري لاروچارو د ترویج او بزګرانو ته د عملي زده‌کړو د وړاندې کولو یوه اغېزمنه وسیله بلل کېږي. په دغو کروندو کې د اصلاح شویو تخمونو، کتاري کښت، د کیمیاوي سرو د مناسبې کارونې او نورو غوره کرنیزو طریقو پایلې په عملي ډول نندارې ته وړاندې کېږي، څو بزګران د دودیزو او عصري کرنیزو طریقو ترمنځ توپیر وپېژني او په خپلو کروندو کې له اغېزمنو طریقو ګټه واخلي.
د کرنې، اوبو لګولو او مالدارۍ وزارت د کرنیزو تولیداتو د زیاتوالي، د بزګرانو د اقتصادي وضعیت د ښه والي او د خوړو خوندیتوب د پیاوړتیا په موخه د هېواد په بېلابېلو ولایتونو کې د اصلاح شویو تخمونو د ترویج، د ننداریزو کروندو د جوړولو او د عصري کرنیزو لاروچارو د عامولو هڅې کوي.

تازه ترین اخبار

شنبه ۱۴۰۵/۸/۳۰ - ۱۶:۲۲
Background image

بررسی روند توزیع تخم اصلاح‌شده پنبه اوزبیکستان برای دهاقین ولایت جوزجان

۳۰ عقرب ۱۴۰۵ هـ.ش
مولوی مصباح‌الدین مستعین رئیس توسعه غله‌جات، نباتات تیلی و صنعتی وزارت زراعت، آبیاری و مالداری، در سفر کاری به ولایت جوزجان با مولوی جان‌مراد وقار رئیس زراعت، آبیاری و. . .

شنبه ۱۴۰۵/۸/۳۰ - ۱۶:۲۰
Background image

توزیع تخم اصلاح‌شده گندم برای ۲ هزار دهقان در ولایت غور

۳۰ عقرب ۱۴۰۵ هـ.ش
ریاست زراعت، آبیاری و مالداری ولایت غور با همکاری دفتر مؤسسه سی اچ ای  در فیروزکوه، برای ۲ هزار تن از دهاقین واجد شرایط در مرکز این ولایت، تخم اصلاح‌شده گندم را پس از. . .

شنبه ۱۴۰۵/۸/۳۰ - ۱۶:۲۰
Background image

توزیع وسایل پروسس لبنیات برای ۷۴ زن مالدار در ولایت سمنگان آغاز شد

۳۰ عقرب ۱۴۰۵ هـ.ش
روند توزیع ۳۴ قلم وسایل و تجهیزات پروسس لبنیات برای ۷۴ تن از زنان مالدار در ۲۱ قریه ولسوالی خرم و سارباغ ولایت سمنگان، از سوی دفتر افغان‌اید در همکاری ریاست زراعت،. . .

BACK TO NEWS